Репрезентативецот на Италија, Мануел Локатели е трансфер цел на повеќе тимови од Европа, но Сасуоло е категоричен, мора да биде услогласена финансиската понуда со нивното очекување.

Арсенал според „Скај Италија“ веќе доставил понуда до Сасуоло од 40 милиони евра за Локатели. Калчолигашот бара пет милиони плус сума која Артета не сака да ја дозволи.

Во целата приказна е вмешан и Јувентус кој пак планира да го добие Локатели за 30 милиони евра, со можност таа сума да порасне за дополнителни 10 милиони евра во зависност од настапите на играчот во следните две сезони.

Локатели имаше одлично ЕУРО и го привлече вниманието и на Интер, Баерн Минхен, Лион, Рома и Тотенхем.