Нголо Канте е последниот играч од Премиер лигата кој се противи за продолжување на сезоната и групни тренинзи додека трае пандемијата од коронавирусот.

Островските медиуми пренесуваат дека репрезентативецот на Франција, вчера одбил да тренира и воопшто не се појавил во тренинг центарот на Челси.

Освојувачот на последното СП бил видно нервозен и исплашен поради ризикот кој постои со самото појавување на тренинг. Менаџерот на Челси, Франк Лампард му соопштил на Канте дека го разбира и ја поддржува секоја негова одлука.

Канте ќе продолжи со индивидуални тренинзи во својот дом додека останатите негови соиграчи ќе работат по помали групи на официјалниот тренинг центар на „Сините“ во Лондон.