Репрезентативецот на Холандија, Мемфис Депај на крајот од оваа сезона извесно е дека ќе го напушти Лион со кој му истекува договорот во јуни и најверојатно ќе ја прифати понудата од Барселона.

Поранешниот напаѓач на Манчестер Јунајтед, подолго време се поврзува со преселба во Шпанија но и во Италија, а тој на социјални мрежи реши да испрати порака до неговите навивачи поврзани со следните чекори.

„Време е да ја преземам контролата над мојата кариера. Дојдов до точка кога треба да направам важен избор за својата иднина и решив да преговатам за моите идни зделки со мој тим на лица на кои им верувам поддржан од правни експерти. Јас сам ќе одлучам за мојата следна дестинација. Вие први ќе дознаете.“ – вели Депај.