Борусија Дортмунд за утрешното гостување кај Интер патува значајно ослабена, откако за мечот во Лигата на шампиони ќе биде без капитенот и најдобриот фудбалер Марко Ројс.

Германецот има вирус кој го оневозможи да му помогне на својот тим на тешкото гостување на „Џузепе Меаца“.Покрај германецот, тренерот Лусиен Фавар нема да може да смета на услугите и на Пако Алкасер, кој од поодамна е повреден. Во составот за „милионерите“ се враќа Џејдон Санчо откако беше суспендиран од клубот еден натпревар, поради доцнењето по интернационалната пауза.

По првите две кола Германскиот гигант се наоѓа на првата позиција со 4.бода колку што има и Барселона, додека Интер и Славија Прага имаат по 1.