Легендата на светскиот фудбал, бразилскиот виртоуз Роналдињо може повторно да заврши во затвор, бидејќи не плаќал пари на својата поранешна девојка, објавуваат бразилските медиуми.

Тие откриваат дека тој мора да го „среди“ долгот со Присила Коељо до 1 декември за да избегне одземање на негов имот и затворска казна.

Адвокатот на Коељо потврди дека „дојде време да се плати“, посочувајќи дека бразилскиот суд утврдил дека тој треба да и плаќа околу 15.000 евра месечно според законот кој утврдил дека таа му е „сопруга од обичајно право“.

Бидејќи Роналдињо не плаќал ништо, доколку до 1 декември не ги подмири долговите, може да заврши во затвор. Бразилската легенда веќе неколку месеци помина во затвор и тоа во Парагвај, поради факсификување на лични документи.