Планот за рестарт во најсилното фудбалско првенство во Англија оди според планот. Најновото тестирање на коронавирус меѓу фудбалерите и вработените во клубовите носи добри вести, нема ниту еден новозаразен со опасниот вирус.

„Премиер лигата може да потврди дека тестирањата направени на 28 и 29 мај со кои беа опфатени 1130 луѓе имаат одличен резултат, нула зараени односно позитивни на коронавирус.“ – стои во официјалното соопштение.

Во последните три рунди на тестирање позитивни беа 12 лица а клубовите добија дозвола за тренинг со физички контакт. Сезоната треба да продолжи на 17 јуни, останати се 92 натпревари кои ќе се одиграат пред празни трибини.