Килијан Мбапе веќе одби четири понуди за продолжување на договорот со Пари Сен Жермен, бидејќи е решен во намерата да направи трансфер во Реал Мадрид. Ова е тврдење на шпанските медиуми кои наведуваат дека францускиот напаѓач упорно се спротивставува на обидите на врвот на парискиот клуб кој сака да ја продолжи соработката со него.

Мбапе е договорно обврзан со ПСЖ  до крајот на следната сезона и се обидува да го искористи тој факт да го принуди клубот да го стави на трансфер листата. Парижаните успеаја да го убедат Нејмар да ја продолжи соработката, но им е многу потешко со Мбапе бидејќи неговата желба е да си замине и се тврди дека петтиот обид на клубот да го задржи нема да го скрши, без оглед на висината на понудата .

Реал е подготвен да го купи францускиот напаѓач, но тој нема намера да претерува со понудата и не сака да го направи тој трансфер за подоцна да се зборува за него негативно. Ниту Мбапе не сака таква слика, бидејќи се тврди дека тој нема намера да влезе во конфликт со ПСЖ.