Фаворитската улога ја препуштаат на противникот

„Пандевци“ дебитираат на европска сцена

Денеска започнуваат европските авантури за уште три македонски клубови. Дебитантот меѓу нив, Академија Пандев, клубот кој се пласираше во квалификациите за Лига Европа како освојувач на Купот, го пречекува босански Зрињски.

Младиот струмички тим има тешка задача пред себе, но голем мотив да ги покаже своите квалитети во својот прв настап на европската сцена. Избраниците на Тренчовски подготовките за новата сезона ги минаа во соседна Бугарија, каде одиграа четири подготвителни натпревари, добивајќи само еден, против екипата на Берое со 2-0.

Струмичани фаворитската улога во овој меч им ја препуштаат на Зрињски, тим кој има поголемо искуство во вакви натпревари, но сепак останува на најмладиот македонски прволигаш да покаже храброст и борбеност на арената „Тодор Проески“ денеска и барем да ја исполни желбата на тренерот Тренчовски, да ја зачува чиста сопствената мрежа.

Натпреварот помеѓу Академија Пандев и Зрињски се игра вечерва на националната арена „Тодор Проески“ со почеток во 19.00 часот.


Be the first to write a comment.

Напишете коментар
Неверојатен натпревар во Ла Лига

ВИДЕО: Димитриевски му одбрани пенал на Депај, Барселона загуби кај Рајо

Во Европската лига

ВИДЕО: Цепелинот на Кире Лазаров во ТОП 5 изборот на ЕХФ

Голема победа за македонскиот тим

Баделки предводени од Кметовска го совладаа Партизан во Белград