Аргентинскиот фудбалски клуб Бока Јуниорс, е на чекор да донесе уште еден европски играч во името на Французинот Пјер Андре-Жињак.

Бока бара замена за својата прва напаѓачка ѕвезда Дарио Бенедето, па спортскиот директор на клубот Николас Бурдисо веќе стапил во контакт со Жињак, кој моментно е член на мексикански Тигрес каде две години е најдобар стрелец во Мексико.

Според информациите Бока ќе го продаде Бенедето на Олимпик Марсеј за сума од околу 16 милиони евра и потоа ќе го донесе Французинот.

Проблем е што Жињак пред шест месеци го продолжи договорот со Тигрес до 2021 година, но во Бока се надеваат дека за разумен трансфер може лесно да го добијат овој напаѓач.