Шкендија  утре го пречекува Номе Калју од Естонија, реванш меч од  првото квалификациско коло во Лигата на шампионите.

Македонскиот шампион има победа на гостувањето во Естонија од 1-0, тоа им гарантира на тетовчани прогрес во второто квалфикациско коло во ЛШ, опуштање нема , од таборот на Шкендија најавија  дека сакаат и втора победа.

„Ги анализиравме нашите грешки од првиот натпревар. Оптимист сум и верувам во пласман во следното коло. Резултатот од првиот меч е добар, максимално сериозно го сфаќаме  и реванш натпреварот, сериозни измени во  составот ќе нема и ќе биде речиси ист како оној во Талин. Утре ќе играме  на победа. Резултатот не дозволува тактизирање“ –  изјави  Османи.

Арменд  Алими повикува на внимателност, резултатот од првиот натпревар  е добар но мора да се заврши комплетно работата.

„Има уште 90 минути. Треба да одиграме како на првиот натпревар и повторно да победиме. Ни недостасуваше реализација на првата средба, и очекувам утре да биде подобро. Првите мечеви се секогаш тешки за играње,  формата ќе се подобрува и ние ќе бидеме подобри и поефикасни“ –  изјави Алими.

Реванш натпреварот меѓу Шкендија и Номе Калју се игра утре  со почеток од 17 часот на арената „Тодор Проески“ во Скопје.