Mакедонскиот фудбалски репрезентативец Иван Тричковски Левски Софија ќе го памети уште долго време откако Македонецот ги постигна сите погодоци во триумфот на неговиот тим со 4:0.

Популарниот Тричко прецизен беше откако по два гола постигна во двете полувремиња. По мечот изјави дека ова му се случува првпат во кариерата.

Одигравме добар натпревар, но знаевме што можеме да очекуваме од противникот. Ги искористивме шансите, а јас првпат во кариерата постигнав четири голови и многу сум горд на тоа. Сакаме да стигнеме што подалеку, но ќе имаме и потешки противници, – изјави Тричковски по мечот во Софија.