Селекторот на македонската репрезентација до 18 години, Шкумбин Арслани го објави списокот  за натпреварите кои ќе се играат во Теплице каде Македонија  ќе игра со Чешка, Украина  и Словачка.

Турнирот во Чешка ќе биде одлична можност да се видат квалитетите и тимски и индивидуални на репрезентацијата и секој од повиканите фудбалери. После успешниот јунски камп кој го имавме во Дојран, ова е уште една можност да бидеме заедно и да одиграме натпревари против квалитетни противници. Ова е фаза кога се обидуваме да ги одбереме најдобрите во составот, сега имаме неколку нови имиња и очекувам дека ќе донесат квалитет и напредок во нашата игра. Се надевам на позитивни резултати и дуели на кои ќе покажеме квалитет и цврст карактер.“ – изјави селекторот на македонската репрезентација, Шкумбин Арслани.

Список на играчи :

Голмани: Иван Николовски (Победа), Кристојан Китановски (Вардар);

Одбрана: Али Асани (Вардар), Филип Костовски (Њу Старс), Алтрим Јакупи (Шкендија), Александар Ѓурковски (Вардар), Имран Фетаи (Шкендија), Спасе Терзиев (Академија Пандев), Виктор Крстевски (Вардар);

Среден ред: Димитар Тодоровски (Работнички), Лука Станковски (Работнички), Иван Николов (Академија Пандев), Бехар Фета (Њу Старс), Леонид Игњатов (Вардар), Влада Новески (Војводина, Србија), Хамза Рамани (Шкупи), Ерен Парталко (Академија Пандев), Лавдрим Љатифи (Болдклубен, Данска);

Напад: Азер Омерагиќ (Вардар), Марио Илиевски (Септември Софија, Бугарија), Методи Максимов (Работнички)

Првиот контролен дуел нашите надежи ќе го одиграат со  Украина на 21. август, ден потоа  со Словачка.