На 22 јуни во 1986-та година, репрезентацијата на Аргентина ја победи Англија во четвртфиналето на Мундијалот  во Мексико,  натпревар кој  остана запамтен по двата гола на Марадона: „Божјата рака” и „Голот на векот”.

Аргентина и Англија играа  пред неверојатни 115.000 гледачи на „Ацтека “стадионот во Мексико Сити. По првиот дел  немаше голови,  потоа  на сцена стапи Диего Армандо Марадона.

 

Марадона,  во 51-та минута искористи една нафрлена  топка која со помош на неговата рака заврши во мрежата на Шилтон. Судијата не го забележа соминителниот момент и го призна голот, подоцна овој момнет во светот го нарекоа „Божјата рака“ на Марадона кој изјави дека постигнал гол , малку со глава, малку со рака.

Марадона постигна уште еден гол, акцијата ја започна  од својата половина, помина неколку играчи на Англија и го совлада  голманот Шилтон.