Младите ветуваат дека ќе ја искористат понудената шанса

Дебитантите во еден глас: Добивме голема шанса, треба да ја искористиме

На паркетот во салата на А1 Арената „Борис Трајковски“ од првиот тренинг, а за првпат како дел од сениорскиот национален тим, се појавија Андреј Јакимовски, Марко Миловановиќ, Филип Бакоч и Виктор Ефремовски.

Во репрезентацијата повторно е и Кристијан Николов, кој уште во 2012 година во пресрет на предолимпискиот турнир во Венецуела, беше дел од сениорите.

Чувството е одлично. По доста години сум назад во репрезентацијата, би рекол, се вратив таму каде што припаѓам. Се надевам дека во овие квалификации се ќе биде како што треба, и дека ќе се пласираме на Евробаскетот“- вели Николов.

И со Естонија ќе ни биде тешко. Играат и се доста брзи. Но мислам дека имаме поквалитетен состав. Знам дека сите ќе дадеме максимум. Факт е дека подмладувањето ќе донесе и некои тешки денови. Но ќе работиме напорно и ќе се вратиме на европската сцена“.

Филип Бакоч е еден од оние кои за прв пат во кариерата го добија повикот од селекторот на сениорската репрезентација, Александар Тодоров.

„Чест е да се биде дел од овој тим. Сметам дека овие момци имаат квалитет да се изборат за пласман на Евробаскетот 2021. Претстои период на подготовки и се надевам дека со малку спортска среќа ќе постигнеме голем успех. Ова е голема шанса за нас, условно кажано, помладите играчи. И треба да ја искористиме. Благодарен сум на селекторот и стручниот штаб за оваа можност да бидам дел од националниот тим“– вели Бакоч.


Comments are closed for this post.

Откако остана без австралијанска виза

Вучиќ ќе го почека, Ѓоковиќ наместо во Србија ќе се одмара во Дубаи

Ласица се извини но посочи дека бил провоциран

Црногорецот е казнет парично за плукањето кон македонските навивач

Трето засилување за црвено-црните

Официјално: Јованов од Академија Пандев е нов играч на Вардар