Македонскиот кошаркарски репрезентативец, Кристијан Николов потпиша едногодишен договор со МЗТ Скопје Аеродром. Плејмејкерот доаѓа од екипата на Петким за нашата сениорска репрезентација дебитираше на 15 години а три години подоцна настапи за Галатасарај во Евролигата.

„Со ангажманот на Николов и претходното задржување на Андреј Маслинко и Андреј Магдевски, уште еднаш ја потврди определбата за ангажирање на најталентираните кошаркари кај нас, кои преку сино-белиот дрес би стекнале драгоцено искуство, што секако би било од бенефит и за македонската кошарка во целост. Покрај нив тројца, во моментов под договор со МЗТ Скопје Аеродром се уште и Дамјан Стојановски, Марко Симоновски и Ранко Мамузиќ.“ – информираа од МЗТ Скопје Аеродром.

Последните случувања во „Јане Сандански“ носат нов стимул кај навивачите на овој клуб кои на социјалните мрежи секојдневно ги поздравуваат одлуките на управата.