Легендарниот германски кошаркар Дирк Новицки доби улица во американскиот град Далас. Новицки за тимот од Тексас одигра рекордни 21 сезона, а во 2011 беше предводник во освојувањето на единствената титула во НБА лигата за Маверикс.

Поради неговите постигнувања со тимот, градското собрание едногласно реши да ѝ даде име на една улица по Новицки. Улицата е блиску до салата во која играат Далас и неговото име ќе остане запаметено во историјата на градот.

Новицки за Далас настапуваше од 1998 до 2019 година и во просек постигнуваше повеќе од 20 поени и седум скокови по меч. Дури 14 пати беше избран за Олстар-мечот, а беше МВП на финалето во 2011 година, како и најкорисен кошаркар во 2007 година.