Предводничката на женската јуниорска кошаркарска репрезентација на Македоија, Јелена Антиќ во изјава за официјалниот сајт на КФСМ го издвои својот став по однос на настапот на ФИБА „Челенџерот“ во Софија на кој остваривме ефект од две победи и три порази.

„Многу ми е драго за овие девојки што успеаа да остварат две победи. Не беше лесно, особено после повредата на Ана Цветковска која е сигурно еден од лидерите на оваа генерација. Но оваа група на девојки ја краси една упорност и желба и среќна сум што почуствуваа дека можат да покажат многу повеќе од тоа што покажувале до сега во изминатите години.“- изјави Јелена Антиќ.

Селекторот на репрезентацијата „Под 18“ години смета дека оние две победи се доста важни за нашата селекција, но и дека тука „не е крајот на приказната“…

„Остваривме две победи и три порази. Но и против екипите на Украина и Бугарија сметам дека покажавме една солидна и коректна игра. Едноставно недоволната физичка подготвеност и можеби неискуството беше пресудно. Сакам да напоменам дека не смееме да се задоволуваме со еден ваков скор. Ова треба да биде поттик и додатна мотивација за нив, да продолжат да тренираат и да вложуваат во себе, во исто темпо како во изминатите месец и пол дена“ – додава Јелена Антиќ.