Популарното НБА финале од 1998 година меѓу Чикаго Булс и Јута Џез е тема две децении подоцна.

Повторно е актуелизирана со серијалот „Последниот танц“, а еден неоткриен детал го изнесе некогашниот центар на Јута, Антоан Кар.

Битката, според него, не се водела само на паркетот, туку и надвор од него, а Булси имале и своја тактика.

„Џордан и екипата имаа обиди да не попречат и во подготовките. Луѓе од Чикаго секогаш се обидуваа да изведат нешто. Така, на нашите врати ноќ пред натпреварот се појавија Плејбој зајачици со торта. Носеа кабаници, а ако ви дадат парче торта, би ги соблекле и мантилите и тогаш…Добродојдовте во Чикаго.“ – раскажува Кар.

Без оглед на тоа што девојките биле многу атрактивни, Кар признава дека успеал да им одолее во обидите да го однесат во кревет.