Директорот на Агенцијата за млади и спорт, Наумче Мојсовски со пофални зборови и со порака за најмладите го дочека Дејан Георгиевски во Скопје, човекот кој  пред два дена на Игрите во Токио освои сребрен медал во таеквондо во категоријата +80 килограми.

„Сребрениот медал од Олимпијадата е голем успех за Македонија. Ова ќе го славиме уште многу години. Се надевам дека среброто од Токио, на следните Олимписки игри ќе се преточи во злато. Дејан е 22-годишно момче кое ги заслужи сите пофалби. Од самиот почеток Агенцијата за млади и спорт застана зад него, сите негови потреби ги теравме заедно и еве вроди со плод. За сите деца кои сакаат да се занимаваат со спорт, Георгиевски е нов идол, нова ѕвезда на македонскиот спорт. Тој ни даде мотив плус, по пандемијата, спортот да го вратиме посилно. Тој ни ги разубвави моментите на Олимписките игри“ – изјави Мојсовски на дочекот на скопскиот аеродром.

Агенцијата за млади и спорт, за освоениот медал, ќе го награди Георгиевски со 10 000 евра.