Интернационалниот олимписки комитет строго ги осуди одговорните кои наводно направиле  манипулација на податоците од допинг-тестовите во лабораторијата во Москва. Светската анти-допинг агенција (ВАДА) препорача Русија да добие четиригодишна суспензија од Олимписките игри.

Ова доаѓа откако независниот борд за Русија процени дека податоците добиени од лабораторијата во Москва се „наместени“. ИОЦ бара „построги казни“ за одговорните бидејќи се работи за манипулација и нарушување на кредибилитетот на спортот.

Потребни се вистинските податоци за да се дојде до правда, виновните да се казнат и невините да се заштитат. На ваков начин, нема да има сенка на новата генерација на чисти руски спортисти“, се вели во соопштението на ИОЦ.

Русија доби суспензија од Зимските олимписки игри во Пјонгчанг минатата година поради наводите за државно поддржуван допинг на ЗОИ во Сочи во 2014 година, иако дел од спортистите настапуваа, но под неутрално знаме.