Хрватскиот репрезентативец Ловро Јотиќ и официјално го засили  Еурофарм Работник. Јотиќ   доаѓа од ППД Загреб и ќе биде огромно засилување за битолскиот суперлигаш пред настапот во  Лигата на шампионите.

Јотиќ игра на позицијата  лев и среден бек, стави потпис на двегодишен договор.

24-годишниот загрепчанец ќе биде замена за неколку ракометари на оваа позицијата кои го напуштија клубот. Јотиќ е трето интернационално засилување за тренерот Алушовски по Словенецот Ратајац, кој дојде од шампионатот на Австрија и Марин Вегар, кој пристигна од Романија.

Јотиќ вчера ги мина лекарските прегледи и официјно стави потпис на договорот до крајот на следната сезона. Хрватот ќе му се стави на располагање на шефот на стручниот штаб од 21 јули кога официјално ќе започнат подготовките.